Bonjour, bienvenue – Manao ahoana, tonga soa

4 décembre, 2009

Je vous souhaite une bonne évasion en lisant ces poèmes.

42e85fb2f6cdd2b1d48bbecfdcaf9bc0.jpeg

wj8d6nvh.gif

images395ha0.gif

Bonjour, bienvenue - Manao ahoana, tonga soa roses-samode-serge-airoldi-L-4FSy3S-300x224

coeurdecountry125444511406gros1.gif

mp3 bergeronnettegrise.mp3

mp3 lescheminsduciel.mp3

mp3 lesjardinsdepekinmp3.mp3

:-D   ;-) <<<<<<CLICK PLAYLIST DadaRabe >>>>>> :-)  ^_^

;-) >>>>>> aussi CLICK PLAYLIST Tritriva <<<<<< :-)  

Tsiaro mahafinaritra !

11 mars, 2017

Tsiaro mahafinaritra !

Misy tsiaro tsy miala ato an-tsaiko
Hatrin’ny ela be izay
Fony izaho mbola kely
Niaraka tamin’ny reninay.

Matetika izahay sy mama
Nandeha tamin’ny fiara
Bus no fiantsoana azy
Tamin’izany fotoana izany.

Nitsidika ireny tanàna
Namangy havana tiana
Nahita toerana soa
Nahafinaritra jerena.

Eny rehefa mizanona ny fiara
Eny fa maka aina ny sofera
Eny mandehandeha ny olona
Eny mankeny izay tena mila.

Izay tadidiko indrindra
Ankoatry ny rehetra
Dia voninkazo tsy manan-tsahala
Maniry ao anaty ala.

Vony sy mena ny lokony
Ny bikany sahala ny vorona
Asa loatra re ny anarany
Hatr’izao aho mahatsiaro azy.

Mbola hoatr’izany angamba
Ny amin’izao fotoana izao
Mbola misy voninkazo meva
Maniry ao anaty ala ao.

Tritriva 10/03/17

Ramatoa gasy

11 mars, 2017

Ramatoa gasy

Misy any ramatoa gasy
Tambanivohitra miasa mafy
Tsy matahotra tany ditra
No sady mahery manetsa
Any ka, be vokatra sy mahavoky.

Vakivaky fa voaratra
Mavo rangotina ireo tongony
Akory moa ataony fa
Tsy maintsy mamboly
Hamelomany ireo ankiziny.

Ny alahady rehefa miangona
Miaraka amin’ireo mpivavaka
Kapa no mba entiny
Fa tsy kiraro mahafinaritra
Sahala ireo ankamaroany.

Izy efa teny an-tsena
Nitady balerina soa
Indrisy tsy nisy kiraro habe
Metimety aminy e !
F’izy ireo teritery avokoa.

Ka hoy aho aminy :
Hitondrako ianao akia
F’izaho nahita kiraro
Tena malefaka, mampihaingo
Ho an’ireo tongotrao efa sasatra.

Tritriva 27/02/17

TONTOLO INTERNETY

13 février, 2017

TONTOLO INTERNETY

Tontolo vaovao, tontolo ifandraisana,
Nahalalako anao…eny tsy nampoiziko
Fa sehatra iray, tontolo mba iraisana…
Nanjary tena tiako, nanjary nankafiziko !

Tontolo toy ny nofy kanefa tena izy,
Toa lavitra ny any, toa sarisary ihany…
Kanefa tampoka eo ‘ty fo toa mihizihizy !
Fa tena tia, hono izy, ka mila anao hatrany !

Kanefa ilay tontolo, tontolo toa tsy misy,
Soratra sy sary no lamba firakofana,
Vao ts’isy ny herin’aratra dia fongana indrisy…
Manjavona tsy hita, tsy hita hosarangotina !

Kanefa anie, kanefa…Tsy nofy tsy akory
Fa tena nahalalako ilay tontolonao,
Nanjary fifaliako toa rotsy mampatory !
D’injao lasa fitiavako…ilay soratsoratrao !

DadaRabe
Ambato
12/02/17 12 :32

Être aimé(e)

13 février, 2017

Être aimé(e)

Être aimé(e)
C’est voir son quotidien
Soudain s’illuminer,
Croire enfin en demain,
Faire plein de projets.

Être aimé(e)
C’est vivre en impatience
Le coeur aux aguets
Espérer sa présence,
Fébrile, heureux(se) et gai(e).

Être aimé(e)
C’est retrouver l’audace,
Le courage et l’envie,
La confiance et la force…
C’est se sentir en vie!

Être aimé(e)
C’est oublier le temps,
L’apparence et les maux,
Rides ou cheveux blancs,
Différence et défauts.

- Claudie Becques -

Eny Antsioka ! ( Tononkira nosoratan’i Tritriva )

2 février, 2017
Image de prévisualisation YouTube

Lava ny dian’ireo ankizy
Alohan’ny ahitany fiadanana
Sahirana tahak’ireny vorona
Mitady toerana tony
Rahoviana re no ho tafita
Hiaina anaty fanambinana

Impiry nibanjina ny lanitra
Tsy nahita fahazavana
Iza no afaka hanazanona
Ireo ady, horohoro sy basy
Rahoviana vao hitsahatra ny fitaka
Sompatra sy tetidratsy

Taonjato firy ho an’ireo voazanaka
Alohan’ny ahitany fahafahana
Be marenina manao ho jamba ireo mpitondra ny tany
Tsy miraharaha ny jalim-bahoaka
Taonjato firy vao ho lasana ny ijy
Rahoviana no ho avy ny fandriam-pahalemana

Refrain
Henoy ry namana
Variona, radraty, tsitoly
Eny anaty antsioka ny valiny

31/05/2016

( Tononkira nosoratan’i Tritriva )

12345...67