Archive pour décembre, 2010

TIAKO HO FANTATRAO !

2 décembre, 2010

hebergeur image

TIAKO HO FANTATRAO !

 

Tiako ho fantatrao ny ora fifaliako,

Zaraina aminao ireny faniriako,

Izany ‘zao no nofy mameno ny aty saiko,

Nofinofy maro, mba tiako ka lazaiko!

 

Dia ny tontolon’ny aiko atolotro anao,

Ho firiavanao, ataonao kilalao,

Eny indray ianao no hidola sy hiria…

Tontolo tena ampy sy ampoka fitia !

 

Ravaham-boninkazo ny andro fiainanao,

Ho tototra tantely, masoandro vaovao,

Ka ny hasambaranao no hanjary fifaliako…

Ny voninkazonao no hany sisa tiako.

 

DadaRabe

La Charité sur Loire

30/07/05     12:58

http://dadarabe.blaogy.com/

http://www.freewebs.com/dadarabe

http://mosikagasy.free.fr/

 

hebergeur image

TIAVO ANIE !

2 décembre, 2010

hebergeur image

TIAVO ANIE !

 

Tiavo anie ‘ty foko mitempo sasa-miandry !

Sy efa tsy tafandry,

Fa lasanao tanteraka, babo an-tsitrapo

Sy tena tia tokoa !

 

Aza avela ho irery ety an-tokontany !

Mitsiriritra hatrany,

Mitazana anao sy ny endrikao masoandro,

Nofisiko isan’andro !

 

Tiavo anie ‘ty aiko maniry toa adala !

Sy efa tsy mahalala,

Afa-tsy ianao, fitiavako indrindra,

Fitiavako mirindra.

 

Aza avela ho very ilay fanantenana !

Henoko mafana

Ao anatiko ao, noho ilay omaly…

Isika… falifaly !

 

Tiavo anie ‘ty izaho, ry hany mba lalaiko !

Sy mamiko ato an-tsaiko,

Fa efa fantatrao… ny tena fifaliako

Sy hany faniriako.

 

Aza hihodinanao fa ndrao ny aiko harary !

Sy ho tsy zarizary.

Raha lavinao ny foko, hangidy ny ampitso…

Ny ho avy maizim-pito !

 

Tiavo anie ‘ty izaho !

 

DadaRabe

La Charité

19/05/05  21:08

http://dadarabe.blaogy.com/

http://www.freewebs.com/dadarabe

http://mosikagasy.free.fr/

hebergeur image