SAMBATRA TOKOA !

 

hebergeur image

 

Sambatra tokoa !

 

Fantatra ! eny fantatra !

Ny hasambaranao.

Fa misy an’ilay silaka,

Any ho any miandry anao

Izy ilay mibanjina indrindra ny volana…

 

Izy no tompon’ny fonao,

Sy ireo rehetra momba anao any,

Ravoravo ianao manana azy,

Sambatra izy manana anao,

Inona moa no andrasana mihoatra an’izany ?

 

Ho an’ireo tena mpifankatia,

N’inoninona mitranga,

Eto an-tany diavina,

Ny fitiavan’olon-droa,

Tsy mety ravan’ny rivo-doza.

 

Tritriva