Archive pour octobre, 2012

Nofy …

29 octobre, 2012

Nofy

 

Torimaso mamy iray anivon’alin’ny ririnina

No nitondran’ny nofiko ahy, hanoloana anao rahavako.

Nasehony ahy teo ianao, hotsinapa sy fihinina

Nanamparako fijery mbola mandon’ny fitiavako.

 

Tsisy teny re akory: gina, sina ny tontolo

Afa-tsy ny tsikinao malefadefaka fiantefa

nanala tahotra ny foko sy namelombelom-bolo

ilay fitiavako efa resy, folaka nirefarefa…

 

Fihina tsy hay lazaina, mamy noho ny mamy indrindra.

Toy ny taho ladinin-daingo: rafitra mitovy rindra,

no nifamihinantsika nampijoro ny nikoa…

 

Minitra tiana ho doria, vakin’andro tian-ko taona,

Tsimoka nirin-ko taho hamela-panja lohataona…

Kanjo, hay dia nofy ihany… Nofy mamy tsy ho lo.

 

Rado (15.7.55)

Dinitra p 22

Tsy hitony tsy akory

27 octobre, 2012
Tsy hitony tsy akory
.

Na dia misy olon-tiana

Hanakely ny mahory,

Sy hitondra hafaliana -

Tsy hitony tsy akory !

 

Na dia misy anjely soa

Hanafoana sorisory,

Sy hamalifaly koa -

Tsy hitony tsy akory

 

Na dia manan-kery aza

Ny fitia mamorivory,

Dia sahiko ny milaza:

Tsy hitony tsy akory !

 

Tsy hitony tsy akory

Fa diso ny finoana

Ry raozy e, esory

Ny tsilo manoloana.

 

Tsy hitony tsy akory

F’ efa diso fanantena !

Ny foko avela hatory,

Hanadino e, ry sena !

 

Eny indrisy ! tsy hitony

Fara hery : manadino.

Fa ny tsy ho tia intsony

‘Zany kosa, aza mino !

 

J. Rabearivelo

(Gazety Diavolana laharana 229, 31 Janoary 1929)

http://www.samoela-andriani.org/jjrabe/poems.htm#iriko

J’aimerais…

27 octobre, 2012

J'aimerais... dans DIVERS 311155_433249443389270_1619271899_n-238x300

POUR AGRANDIR CLIQUER SUR L’MAGE

CLIQUE

Bonne journée – Bonne semaine –

23 octobre, 2012

Bonne journée - Bonne semaine -  8275710bonnejourne301-300x300

Ecrire !

23 octobre, 2012

Ecrire ! 8938840b-300x248

CLIQUER SUR L’IMAGE POUR AGRANDIR

1234