Archive pour novembre, 2014

Tenin-drazana

23 novembre, 2014

Tenin-drazana

 

Raha mbola ao Ianao

Ka manana ny hasinao

Ary ho teneninay…

Ry teninay, tsy foana ‘zahay !

 

Teny andrandraina Ianao

Amin’izao tontolo izao.

Tsy firy no fiteny ambara

Ho tahaka anao ka manan-jara.

 

Tena endrikay tokoa,

Mamy imolotra sy am-po,

Mahalaza ny holazaina.

 

Efa folaky ny Razana

Ho teny tena ahombiazana,

Teny tena manana aina…

 

DOX