MIARAHABA ANAO !

MIARAHABA ANAO !

Lasana iny taona,
Nivalona sy dify !
Nahafaly, nampisaona,
Izay no zava-nisy…

Fa ity taona vao ity
Irina tsy hangatsiaka
Fa ho taonan’ny fitia
Hirehitra ho antsika !

Ho fanantenana,
Ho fahasambarana,
Ho fahazavana,
Ho taonam-pisantarana…

..Ny soa sy ny mamy
Ny tsara sy meva…
Ho fifaliana hatrany
No hisy sy hateza !

Ny Avo no hitahy
Antsika mianakavy,
Tsy hisy hampanahy
Fa Izy no hibaby !

Mirary fiadanana
Sy taona vaovao
Mirary ho salama…
Miarahaba anao !

DadaRabe
01/01/17 0h10
LILLE