Archive pour la catégorie 'Jean-Joseph RABEARIVELO'

Tsy hitony tsy akory

27 octobre, 2012
Tsy hitony tsy akory
.

Na dia misy olon-tiana

Hanakely ny mahory,

Sy hitondra hafaliana -

Tsy hitony tsy akory !

 

Na dia misy anjely soa

Hanafoana sorisory,

Sy hamalifaly koa -

Tsy hitony tsy akory

 

Na dia manan-kery aza

Ny fitia mamorivory,

Dia sahiko ny milaza:

Tsy hitony tsy akory !

 

Tsy hitony tsy akory

Fa diso ny finoana

Ry raozy e, esory

Ny tsilo manoloana.

 

Tsy hitony tsy akory

F’ efa diso fanantena !

Ny foko avela hatory,

Hanadino e, ry sena !

 

Eny indrisy ! tsy hitony

Fara hery : manadino.

Fa ny tsy ho tia intsony

‘Zany kosa, aza mino !

 

J. Rabearivelo

(Gazety Diavolana laharana 229, 31 Janoary 1929)

http://www.samoela-andriani.org/jjrabe/poems.htm#iriko