Archive pour la catégorie 'POEMES de Tritriva'

Ady ny fiainana

13 juin, 2018

Ady ny fiainana

Renin’zaza sahirana
Fa nilaozan’ilay silany
Izy irery izao no mamelona
Ireo fara sy dimbiny

Miasa sy mikaroka mafy
Kely fotsiny no mba azony
Lafo loatra ny vidin’ireo sakafo
Ny fanafody moa tsy afaka azo

Na ireo havany aza
Tsy afaka manolo-tanana
Fa samy mitady ny sahaza
isan-ora izay iainana

Mivavaka izy isan-andro
Fantany fa ilay Nahary mihaino
Ataony somary mangingina
Rehefa izy eny am-piasana

Ny any fanantenany
Ho an’ireo zanany
Dia ny ho voky sy salama
Hiaina anaty fahasambarana

Tritriva 11/06/18
4 ora maraina

i Dago (Madagascar) de Tritriva chanté par Rabodo Miadana

19 février, 2018
Image de prévisualisation YouTube

i Dago

Na lavitra aza i Dago
Izy no mameno ny saina
Nosy nahitana masoandro
Nandrotsy ny fahazazana

Hiverina indray andro any ity zanakao

Na efa lehibe sy nandeha
Mahatsiaro azy isan-andro
Manisa hatrany ny fotoana
Hahitana azy indray e

Hiverina indray andro any ity zanakao

Gasikara tanindrazana
Lova ho an’ny taranaka
Fonenan’ireo havan-tiana
Tany mbola hiafarana

Hiverina indray andro any ity zanakao

Tritriva

Tsiahy

14 août, 2017

Tsiahy

Mankatelina
Ireo fotoana niarahana
Virtualy na tena hita
Nizarana toro-hevitra

Mankamamy
Mandray
Amimpahafaham-po
Ireo fanorotoroanao

Manaiky
Tenenina maherihery
Avy aminy irery
Rehefa ny « tsipika tsy mahitsy »

Mankasitraka
Ny finamanana
Eto interinety
Na eny ivelany

Etsetra etsetra

Tritriva

 

Tsiaro mahafinaritra !

11 mars, 2017

Tsiaro mahafinaritra !

Misy tsiaro tsy miala ato an-tsaiko
Hatrin’ny ela be izay
Fony izaho mbola kely
Niaraka tamin’ny reninay.

Matetika izahay sy mama
Nandeha tamin’ny fiara
Bus no fiantsoana azy
Tamin’izany fotoana izany.

Nitsidika ireny tanàna
Namangy havana tiana
Nahita toerana soa
Nahafinaritra jerena.

Eny rehefa mizanona ny fiara
Eny fa maka aina ny sofera
Eny mandehandeha ny olona
Eny mankeny izay tena mila.

Izay tadidiko indrindra
Ankoatry ny rehetra
Dia voninkazo tsy manan-tsahala
Maniry ao anaty ala.

Vony sy mena ny lokony
Ny bikany sahala ny vorona
Asa loatra re ny anarany
Hatr’izao aho mahatsiaro azy.

Mbola hoatr’izany angamba
Ny amin’izao fotoana izao
Mbola misy voninkazo meva
Maniry ao anaty ala ao.

Tritriva 10/03/17

Ramatoa gasy

11 mars, 2017

Ramatoa gasy

Misy any ramatoa gasy
Tambanivohitra miasa mafy
Tsy matahotra tany ditra
No sady mahery manetsa
Any ka, be vokatra sy mahavoky.

Vakivaky fa voaratra
Mavo rangotina ireo tongony
Akory moa ataony fa
Tsy maintsy mamboly
Hamelomany ireo ankiziny.

Ny alahady rehefa miangona
Miaraka amin’ireo mpivavaka
Kapa no mba entiny
Fa tsy kiraro mahafinaritra
Sahala ireo ankamaroany.

Izy efa teny an-tsena
Nitady balerina soa
Indrisy tsy nisy kiraro habe
Metimety aminy e !
F’izy ireo teritery avokoa.

Ka hoy aho aminy :
Hitondrako ianao akia
F’izaho nahita kiraro
Tena malefaka, mampihaingo
Ho an’ireo tongotrao efa sasatra.

Tritriva 27/02/17

12345...7