Archive pour la catégorie 'TONONKALON’I DadaRabe'

TARY BOGOSY!

27 mai, 2014

TARY BOGOSY!

 

Gaga i nedala fa hay mafy ady,

Ny tary bôgôsy sy manambady,

Betsaka loatra ny mpanadala,

Kanefa ny fony mangarahara.

 

Naleony nijanona tao an-trano,

Kivy izy, leon’ny anganongano,

Sy ireo tsipi-tolaka misahotaka,

Be ireny resaka tena kobaka.

 

Ny kopa-damba dia tena loza!

Mandrangorango toy ‘reny foza,

Kanefa ny masony tsy nijery,

Izy niroso nandeha irery.

 

Izy kanefa dia tokam-po,

Ka nisafidy ny hankato,

Ilay malalany tena tiany,

Sitrany sady koa faniriany.

 

Androany nedala efa tony saina,

Fa io eo akaiky ‘lay sombinaina,

Ka falifaly izy fa tsy ketraka,

Tary bôgôsy mahay mipetraka!

 

DadaRabe

Marseille

09/03/02 15:23

http://dadarabe.blaogy.com

TOY IRENY IANAO !

8 mars, 2014

 

TOY IRENY IANAO !

 

Toy ny loharano boiboika an-tany hay,

Toy ny hafanana mameno ny aty lay,

Toy ny fahazavana mitsilo anaty alina,

Toy ny fahagagana mahalasa saina lalina !

 

Toy ny voron-kely mikalo fihobiana,

Toy ny anjely mandrotsa-pitahiana,

Toy ny lohataona, masoandro fifaliana,

Toy ny fararano sy andron-taona zina.

 

Toy ny tononkalo mandrotsy ati-fanahy,

Toy ny hira am-po mandrisika ho sahy,

Toy ny tantely mizara fahamamiana,

Toy ny fanafody manala fanaviana.

 

Toy ny lova soa napetraky ny ela,

Toy ny ampitso mamy hiandrasana harena,

Toy ny rova miorina an-tendrombohitr’avo,

Toy ny arofanina fiarovana tsy ho lavo.

 

Toy ny rotsak’orana mamonto ny tontolo,

Toy ny afon’ampombo sy rehitra mololo,

Toy ny taratr’andro mpamelombelon’aina,

Toy ny fanantenana…mpitondra ny maraina !

 

Toy ireny ianao !

 

DadaRabe

12/12/10 19 :46

 

TSY MANADINO !

8 mars, 2014

 

TSY MANADINO !

 

Aza manahy ianao f’izaho anie mahatsiaro

Ireo andro lasa maro

Niarahana nidola nitety ireny havoana,

Niliba tafahaona…

Kanefa dia nidify,

Nanjary toa tsy nisy !

 

Aoka ianao tsy ho kivy fa fiainana izany !

Lalàna eto an-tany !

Misy andro soa iarahana toa afo manazava

Ka mahamiran-tava…

Dia mihelina satria…

Angamba tsy doria !

 

Ilaozy ireny aloka, alahelo na tomany

Na ny hafa toy izany !

Venteso sy ifalio toa hira nandihizana,

Tsy nety notohizana

Fa kalo indray ririnina

Dia lasa tsy hay fihinina !

 

Tsarovy fotsiny ihany f’izaho tsy manadino !

Na dia efa tsy mino…

Hoe hisy ilay fotoana hihaonana indray andro

Hampihiratra masoandro

Eo amintsika roa

Fa lasa tsy hifoha…

 

Tantara efa taloha !

 

DadaRabe

01/09/10 11 :19

AFINDRAFINDRAO (Razilnah) vazoin’i DadaRabe

26 février, 2014
Image de prévisualisation YouTube

CLICK HERE PLAYLIST DadaRabe

 

Dola tsiketrika Afindrafindrao (Razilinah)

 

Roy e roy e roy e ry lahy!

Midola tsy ketraketra ketrak’ila

Midola tsy amin-tsavony mavo ranjo

Midola mitongim-baky « mauvais »

Mitari-pasika mody ka tsy tiako

Lazondazom-boakanzo nankalao

Lazondazom-pitia nanadala

Tiavo ny havanao Ramatoa

F’izaho aza ariana sombiniaiko

 

Eny ekeko fa marina izany

Raha ianao peratra

Izaho rantsan-tanana

Iianao no endriko

Izaho bikanao sombiniaiko

F’aza dia miavonavona ry Ikaky

Aza dia tsyy miteny ho aho ianareo

Raha tsy tianareo any aho

Atero any an-tsasa-dalana aho mba hody e

 

Eny ekeko fa marina izany

Tranonay sy malala

Manao atsimo sy avaratra

Sioka tokana dia mivoaka

Kopa-damba dia lasa « rendez-vous »

Ondaondano kely anie aho ry patro

Fa marary ny an-dohako e

« Fa maninona no marary ? »

Tsy niala vazom-boana ka narary e !

 

Eny veloma masina ny aty

Teny Antananarivo izahay

Aarivo tratry ny taona

Tetsy Ambatonankanga izahay

Nahazo akanga nifahy ô

Ary teny Ambohimanga izahay

Namangy an’ Ikaky sy Neny

Hitondray tamotamo aho hitamotamoko

Hitondray sakarivo aho hirivorivoko

Paraky mahery izahay re

Ka tsy hanin’ olon-jejo.

Somambisamby (Mahaleo) Gitarain’i DadaRabe

8 février, 2014
Image de prévisualisation YouTube

CLICK HERE PLAYLIST DadaRabe

 

Somambisamby re ry lahy e , toy ny andro diavolana

Ka ontsaontsa ny fanahy, fa maro ny olana

Manembona ny any aminay , tanàna tsy foina

Mahatsiaro ireo havanay, tsy hay hadinoina , mba jerijereo

 

Mba jerijereo ny tananàntsika , aza avela hangina , aza avela hangatsiaka

Fa mbola ho tonga indray androany , hitondra ny soa , hitondra ny mamy

Hirongo tantely ,hirongo vilany

 

Toa mateti-pihavy kanefa ilay ora-panala

Ka lasa ny saina miantefa hamangy ny malala

Ka lavitra anefa ny any ,toa saro-banjinina

Ny sento no hampitaina any , veloma masìna ô

 

Veloma masìna ,veloma ry tiana

Alao ny alahelo handao ny akiviana

Fa mbola ho tonga indray androany

Hitondra ny soa , hitondra ny mamy

Hamafa tomany ,hamafa vinany

 

Na dia maro aza ny zava-midona, aza atao mampifezaka

Aza kivy na very finoana ,mandehana manezaka

Ao anatin’ ny ngidy ny mamy, ka saro-takarina

Misy ny ambony ,misy ny ambany , izay no marina fa ny ady tsy vita

 

Ny ady tsy vita fa mbola hitohy

Ny mety tafita ,raha mamohifohy

Ka raiso ny ampinga, raiso ny hery

Handresy ireo kinga , tsy maneritery

Handrava fanànana, hamokatra fery

123456...10